هههههههههههه
القصقوصه دى بقى
حاجات مش عارف انساها وهتفرقع جوايا من زمان
الزمان : ياااااااه من زمان
وانا ف تانيه اعدادى
المكان :كنا خارجين من حصه الدرس عند احد اساتذه الانجليزى
الظروف : طبعا بحكم انى عايش فى قريه فهى ظروف تهلك من الضحك
اللى حصل بقى
قال خارجين من الدرس يا جماعه
وكان ليا واحد صاحبى من اولى ابتدائى اسمه س
والمعلم س ده كان خاسس طول عمره
هو حاليا 195 سم
و
وزنه 130 كجم
تخيلوا طفولته كان عامل ازاى
المهم
صاحبنا ده بقى
كان عندنا فى البلد واد صغير عنى سنتين كده ولا حاجه اسمه على اسم احد انواع المخدرات (اسم شهره يعنى )
وصاحبنا عمال يشتم فى الولد واحنا خارجين من الدرس
ويا تخين يا معرفش ايه _ صحيح الواد كان مكعبر حته تكعبيره _
وس نازل فيه شتيمه وتريقه
واحنا ماشيين وراهم
لاقينا زى ما يكون جبل معدى من جنبنا يجرى
وبدون مقدمات تطلع ام الواد التانى
وتمسك فى س
ونطت عليه نطه يا جماعه
اقسم بالله ولا زينا
هعهعهعهعهع
طبعا صاحبنا س
نزل ع الارض مداش منطق
والمعلمه قعدت فوقه
وهاتك فين تاكل فين تشرب
والناس تقولها بت يا سعيده هتموتى الواد يا بت
وهى راسها والف سيف تخليه يخر دم __ هعهعهعهعهع
المهم بعد معاناه انقذناه من تحت ايديها
وبعد مرور السنين ودخولى الكليه وخروجى منها خلاص
حبيت افكره بالموقف ده عشان هو بيتابع المدونه من تحت لتحت
وحابب اقوله كلمه واحده
_ عدى يا خايب ياللى سعيده القط تيييييييت _
ههههههههههههههههههههههههه
سلام للجميع
