جحا فى يـوم قال لجـيرانه لو جيبتوا الحلل عندى تخلف
قــــالو النــاس مجــــنون عـبيط وجـــــاهــل بيخــرف
فيــه جارة قالت مش يمكن المعجزات من تانى تعود
ودت نحـــاس البيت كله وكــل حــلـة تجيب مولود
راحت بعد ما فات شهرين وتسأل بلهفة على نحاسها
قام قالها حللـــك واضعيين وكل حلة فى نفاسهــا
بعد السبــوع ابقى تعـــالى تاخــدى الصغار وتربيهم
فات السبوع دغرى راحت له عايزة الحلل تطبخ فيهم
**************
جحا اللئيم دغــرى اداها حبـــــه حلل قد الفانجيل
قال دول ولاد حـللــك ياختى صبرك شويه الصبر جميل
**************
الجارة فرحت واتهنت بكنز جالها ما كان على البال
دارت فى وسط الحارة تقول جحـــا مالوش فى الدنيا مثال
**************
سمعوا الجيران وراحوا واخدين نحاسهم كله قوام
على بيت جحــا فى الحال ودوه من غير منــاقشة واى كلام
**************
راحوا بعد الشهرين ما فاتو مستنظرين ياخدوا المواليد
جحا اللئيم دغرى قابلهم وقـــــال كفى الله الشر بعيد
حللكوا ماتوا لاحول الله ساعــة الولادة وحاعمل ايه ؟
اعمار بايد الله فعلا والمــوت ما حد يعارض فيه
**************
قالوا هيه الحلة تمـــوت ما تقــول كلام غير ده يا جاهل
قال اللى تولد برضه تموت مفيش مكاســــب بالساهل
هههه صدق اللي قال الطمع يقل ما جمع
ردحذفتحياتي لك
شكرا كتير لمرورك اللطيف
ردحذفهههههههههههههههههههه
ردحذفاه والله خاصة ان الجهل عندنا بقا زى الرز
والبلد كلها بقت جيران جحا
يا مينو ابقا شيا التدقيق ده تعبتنا عشان نعلق
:)
الله يمن علينا نعمة العقل!
ردحذفواحد من الناس
ردحذفشكرا لمرورك الاول
ونشيل التدقيق عشان تعلق
$:
اقصوصه
ردحذفشكرا على مرورك الرقيق
وفعلا ربنا ينعم علينا بالعقل
ههههههههههههه بجد ضحكت
ردحذفالناس عايزة كل حاجه ده الطمع وكمان عايزين كل حاجه من غير ما يشغلوا عقلهم
حكاية معبرة وملخصة حاجات كتير دلوقتي
ردحذفنوادر جحا دي صالحة لكل زمان
تحياتي
اميره على كوكب مهجور
ردحذفاسعدنى جدا ان قصه جحا عجبتك وفعلا الطمع اصبح سمتنا ولو مفيش عقل خااااااالص
فعلا يا مايكل هى النوادر صالحه لكل زمان ومكان يا رب بس نتعلم منها
ردحذفشفت ضحك عليهم ف الاخر ازى : مفيش مكاسب بالساهل :
صحاب العقل في نعمه
ردحذفجميل
تحياتي
انتى اللى نورتينى بزيارتك
ردحذف