صباح العسل الاول
الواحد خد شويه ذل محترمين عشان ايام الثوره والحاجات اللى كانت بتحصل
بس اكتر حاجه فلقانى بعض خريجى الحقوق من زملائى اللى اثبتو كم الانانيه والفشل والغطرسه وكل حاجه وحشه طلعت منهم
لما رحت التحرير وسافرت كتير والله الاقى اللى بيقولك انت رايح ليه ؟؟ بدون الدخول فى تفصيلات وبدون المجادله على المبادئ اللى اتربيت عليها واقتنعت بيها
عارفين انا كنت زهقان منهم ف ايه
كانو عاوزين الريس يستنى لمجرد انه يمضى لهم قرار تعيين النيابه العامه عشان يقولو البيه راح البيه جه
نسيو ان الثوره دى عشان نتخلص من الطفيليات اللى اتشعبطتت على شجره الواسطه لحد ماراحت وباء
انا رحت لان معنديش واسطه __ عشان مش عاوز اتذل لظابط امن دوله يعملى تحريات وانا عيلتى كلها احسن منه ومن اهله لانهم على الاقل مش بيتجسسو على حد
انا رحت عشان مش همى انا ويومى
ما انا زيك
بس انا دورت على تعبى
انا طلعت من الاوائل بعرقى وتعبى ليل نهار
ليه انت واللى زيك حد ياخد مكانى عشان ابن مرات خال بنت عم ابن مرات اخت المستشار الفلانى
ياخى طززززززززززززززززز
رغم ان الاساس فى كلامى الفقر السياسى المدقع اللى لاحظته من بعض خريجى الحقوق
اقسم بالله ياناس ركبت مع سواقين تاكسى بيفهمو فى السياسه احسن منهم
وتيجى تتكلم تلاقى ان الدماغ فااااااااااااضى
ويقولك انا زهقت من القعده
اصل احنا دفعه فقر
اصل معرفش ايه ؟؟؟
البيه يا يشتغل فى النيابه يا ما يشتغلشى
طيب مافيه اولاد مستشارين ومن الاوائل وبعرقهم
ورجاله صح ؟ عارفين حق البلد قبل الطمع الاعمى اللى عماهم عن دم الشهدا وعماهم عن كل شئ فى الحياه الا طمعا فى المنصب ؟؟
بجد حاجه تزهق وتخنق
بكلم واحد من الاخوه الاحباب الاقيه يقولك اظن دلوقتى اللى واسطته جامده بس هو اللى هيدخل ؟؟_ لاحول ولا قوه الا بالله __
لولا ان الواحد بيحبش يبقى رخم وفسوخه كنت قلتله كلام يجرحه
بس الاولى قبل ما سيادتك تاخد مكان واحد اجتهد اكتر منك وتعب اكتر منك انت تسيب المكان اللى يستحقه غيرك ياخده ؟ وانت على قد ما تتعب تلاقى؟؟
طب دلوقتى عارفين يقولو ايه ؟
يقولك هو احنا مش هنتعين بقه
مش الريس اتشال خلاص؟
الواحد بيحس باسى والله ع العالم دى وبيقول ادى اللى ممكن يقعد على منصه حكم ويبقى الحلم بالنيابه العامه والواسطه !!
هل هييجى يوم نتخلص فيه من الواسطه فى الهيئات القضائيه ؟
ههههههههههههههههههههههههههههههههههههههههههه
ردحذف(محمد البنا) واللة يادكتور كلام اغلبة صح بس لية بجد دفعتنا بالذات؟ هية الناس دى مش من حقها تحلم بالوظيفة دى زى اللى قبلنا ما حلمو بالظبط ؟ انا شايف ان اللى كانو بيعملوة دة طبيعى جدا هية اكتر حاجة انا متفق معاك فيها ان الناس دى عايزة توصل باى وسيلة مش مهم يوصلو ازاى وعلى حساب مين بس ف النهاية هما مختلفوش عن مية دفعة كانو قبلنا هو نفس التفكير الفرق ان اللى قبلنا كان الامور مسعداهم انما دفعتنا حصلت فيها الثورة واتغيرت كل حاجة بس هية كلمة عايز اوجهها للناس دى انا عارف انها حاجة مؤلمة انك تتعلق بحاجة ومتحققش لكن لو انتو فكرتو بمنظور اوسع هتعرفو ان اللى يفضل مصلحتة الشخصية على المصلحة العامة ملوش انو يعيش ف هذا الوطن الجديد بس كويس ياامين ان انت عارف ان الحوار دة خلص بالنسبالى من زمااااااان يعنى انا مش من الناس اللى انت بتتكلم عنهم دول واللى تقريبا انا عارفهم ههههههههههه
ردحذفأقولكم حاجه ولابى شاهد عليا انا قدمت فى دفعة 2005 تقديرى جيد ودخلنا امتحان المقابلة الشخصية بالعشر مرشحين كل واحد ياخد ورقة ويجاوب السؤال شفاهة فى واحد من اللى كانو معايا ما نطق كلمة وخرج يعيط قلتلة متزعلش يا عم متقفلهاش واخدت رقم موبايلة نتابع مع بعض المستجدات اخوه ضابط مباحث وعمه نائب مدير الامن العام الواد اتعين وضرب نار وعمار يا مصر وربنا يخليلهم مبارك تعرفو تقولو تحيا مصر
ردحذفيا بنا يا حبيبى السهل قوى نحلم دا الطبيعى والصح والواقعى كمان لكن الاهم فعلا زى ما انت تستنبط من قصدى انى ما ادوسش على حلم اى حد بحلمى انا لانها فعلا انانيه
ردحذفالاستاذ المحترم دفعه 2005
ردحذفده حال ناس كتيييييييير جدا وبامانه كان وضع مستفز ويخنق ؟؟
بس بضم صوتى لصوتك واقول دلوقتى والنهارده ؟
تحيا مصر