تعرف
ايه اللى هيزبط دماغك الفقريه ديه
قلت سمعونى
قالو لى تعالا نروح الغيط
طبعا عند ارض صاحبنا ح
وصاحبنا ح
قال يلا ع الارض
وطبعا رحنا الارض
وقعدنا نتنطط ف البرسيم
محدش يفهم صح
وطبعا قلنا لازم نتصور
وانا بذكائى مظبطش الصور بتاع ال mp5
فطلعت يا دوب تنشاف زى ما انتم شايفين
وطبعا الامر ميخلاش من شويه هزار
وعشان احنا فى (الغيط) لازم حد يبقى بقرون
ههههههههههههه
وطبعا حبيبى وصاحبى وكفاءه سيمو
كان عاوز ياكل باين
بس ايه
انا لحمى مر
بدافع عن نفسى
نيجى بقى لعمايل شاى الراكيه وازاى بنعمله
اول حاجه لازم تكون ف الغيط
وده جزء لا يتجزأ من طبيعه الشاى
هههههههه
طبعا بقى نقول المقادير
هنجيب شويه حطب وده ما كتره ف الغيط
وبعدين نكسرهم زى ما انتم شايفين
وبعدين نرص الحطب المتكسر فوق بعضهم
ونجيب شويه قش
ونولع فيهم
نياهاهاهاهاها
طبعا انا كنت بغسل الكبايه ال كنت هشرب فيها
الفاتحه لقله الاصل
ولا الضالين امين
ههههههههههههه
وبعدين دونا صاحب الارض عنده كنكه حلوه كده شوفو بيعمل فيها ايه
اول حاجه يحط فيها الميه
بعدين يحط شاى فيها على قد العدد
وبعدين يجيب عود كافور اخضر
ودى طبعا مفهمتش ليه الا بعد ما خلصنا
اول حاجه يجيب عود كافو اخضر يغسله ويقسمه نصين
نص يحطه ف الشاى ونص يسيبه بره
زى ما انتم شايفين
وبعدين نحطها على الحطب الوالع ف مكان مرتاح كده عشان متتشقلبش
وبعدين نستناها تغلى
طبعا واخدين بالكو وتوحا بيناولنى المزه
عود برسيم محترم
وبعد كده هتطلع الكنكه لما تغلى
وتحليها
بايه بقى
بنص عود الكافور ال سبناه
ههههههههههههههههه
طبعا ما احنا ف الغيط
والغيط بيقولك اتعامل
على فكره العود كان مغسول عشان محدش يقولى مامى وبابى ويقرفلى
هى هى هى هى
وبعدين تصب الشاى تلاقى طعمه جميل وغريب بجد
وبرغم كل الحطب ريحته مش دخان تعرفو ليه
!!
عشان نص عود الكافور ال اتحط فيه
طبعا دى حاجه عرفتها صدفه كده بس ايه
جامده
بعد ما تشرب الشاى بقى تحس بانتخه وروقان
وتاخد الحبه مابين العصر والمغرب دول مبسووووط
صراحه اصحابى فكو عنى كتير اليوم ده
وانا مبسوط جدا انى ف مكان اعرف الاقى فيه خضره وزرع
وشاى الراكيه اللى ادمنته وما بقتش اعرف اعدى اسبوع من غير ما اشربه
بس للاسف دونا صاحبنا مسافر السعوديه كمان يومين تلاته
وهنروح المره الجايه على ارض سيمو حبيبى
بس ناقصنا واحد
حد يجى معانا يشرب شاى
ههههههههه
ردحذفشكله كان يوم حلو الحمد لله انك اتبسطت ويارب دايما
طيب مش تعزمنا على كوباية من شاى الراكيه ده
اوووووول تعليق
ردحذفحلو اوووووى
والله منورانى باول تعليق
ردحذفوانا مبسوط اوى بيه
وبعدين السكه متتوهش هههه
السلاااااااااام عليكم
ردحذفانا نفسى اجرب اشرب الشاى ده بصراحه
بجد جو الريف مالوش مثيل
يا بختكم
ربنا يبسطك دايما
جميله الصور وروشه اوى
تحياتى ليك
هههههههههههههههههههههههه
ردحذفخدونى معاكو بس بلاه الشاى علشان عمرى ما حبيتو
اعملولى كاكاو بلبن
احلى فسحه دى واحلى مكان
واحلى حاجه لما يبقى معاك اصحاب دمهم خفيف
اخبارك ايه
يارب تكون بخير
الله اليوم كان شكله جامد
ردحذفالمرة الجاية احجزلى معاك
انا مرة شربت فى البلد الشاى ده وفعلا كان فى الارض كده وكان طعمه جميل اوى غير اى شاى تانى وبيحطوه فى كبايات صغننة ويصبوه من فوق
ماليش دعوة انا هروح معاك بقىىىىىىىىى عاااااااا
يارب تكون ايامك كلها فرح وانبساط
تحياتى
تصدق الواحد نفسه يروح مكان زي ده
ردحذفو يهدي اعصابه و يريحها شوية
بدل الدوشة و الدخان اللي الواحد فيهم
شكرا ليك
تقبل مروري
ريمان
ردحذفاسعدنى مرورك جدا والله
وربنا يكتبهالك !!
هههههههه
ليس فقيرا من يحب
ردحذفوالله كل حاجه موجوده
انت بس هات الكاكاو ف ايدك وانت جاى
واكيد هنلاقى جموسه ولا حاه تعمل الكاكاو و تظبطه كمان
اى خدمه
ووالله جو جامد جدا
الف شكر لمرورك
مى
ردحذفوالله فعلا مالوش حل
ورغم ان حكايه الكبايات الصغننه دى بتدايقنى حبتين
لا ميه مليون
بس اهى كويسه
عشان غالبا بيبقى العدد كبير
وياستى القطر الجاى احجزلك عليه اول كبايه شاى متزبطه
سعيد بجد لمرورك
وربنا يخليكى
حصان المرجيحه
ردحذفنورتنى بزيارتك
وجربها مش هتخسر
اديني اتعرفت على اسم جديد شاي الراكبة هنا ايضا موجود في الخرجات والرحلات لكن ليس له اسم معين.
ردحذفهنا في المغرب الشاي بالنعناع هو المشروب الشعبي رقم واحد لدرجة اننا اصبحنا مدمنين عليه انا عن نفسي لو مر اليوم دون ان أشربه احس بالصداع في رأسي
تحياتي لك
تصدقى انى برضه بحب الشاى بالنعناع والله
ردحذفخصوصا لما يبقى عليه لمون كمان
يلا سال لعابى دمتى يا اختى الغاليه
طبعا هبلغ عنكم
ردحذفانتوا اللى عملتوا السحابه السودا
تحياتى
اول مرة ادخل مدونتك الجميله ومشهتكون اخر مره ان شاء الله سعيده جدا انى زورت مدونتك وكمان نفسى اجرب الشاى ده بجد انا باروح الريف كتير بس عمرى ماجربته ولا حتى رحت الغيط
ردحذفتجربه جميله وكمان اصدقائك ربنا يحميهم ويخليكم لبعض يارب اكون ضيفه خفيفه عليك
تقبل مرورى
اتمنى زيارتك
ميرووو
شاي بالكافور!
ردحذفوصفه جديده هاي
ومنكم نستفيد :)
المهم تكونوا اتبسطوا
ردحذف:)
لاسع افندى
ردحذفطبعا انت تنورنى ف اى وقت ونلسع سوا مع بعض
بس ان كنت ناوى تبلغ بقى هتبلغ عنى مين
ههههههههههههه
دا احنا الحكومه
وبعدين مين قلك بقى ان سبب السحابه السوده حبه الشاى اللى انا عاملهم دول بالذات
جات عليهم يعنى
عموما لما تجربه اراهنك ان ماخلعت الابواب والشبابيك وعملت بيها
ههههههههههههه\\
منور والله
ميرو
ردحذفبجد انا مبسوط جدا بزيارتك وربنا يخليكى يارب
وعاوز اقولك انى لما بدخل مدونه بفصصها واجيب من الاول
وان شاء الله قريب اوى نزورك بس المهم تضايفينا كويس
:d
اقصوصه
ردحذفصدقينى دى وصفه ملهاش حل
احلى دمااااااااغ
مايكل
ردحذفصدقنى انبسطنا
هههههههههه
عقبال الجميع يااااااااااااااااارب
ولو اني مابحبش الشاي بس واضح انه طعمه جميل
ردحذف:)
مدونتك جميله
تحياتي
وصايا ستك السته اللي على الجنب تحفففففففففففه هههههههههههههههههه
ردحذفمدونتك جميله وأسلوبك أجمل
ربنا يحميك ويبارك فيك يا رب :)
يلا يا عم .. يا بختك
ردحذففسحة و صحاب زي العثل و صور جميلة جدا ما شاء الله...
و كمان شاي من بتاع الغيطان
-------------------
ايه الشاى مفعوله طول كده
ردحذفكل سنه وانت طيب
رمضان كريم